Don`t Miss Our Next Event “Mutation” 12/10/2013

1175566_213857255404548_189379011_n

عمرك سألت نفسك هل التحول الفكري حاجة طبيعية ولا عبارة عن طفرة ؟

في علم الأحياء لو في شخص ليه ميزات تختلف عن اي حد تاني وأثرت فيه بشكل عمل إضافة مختلفة من نوع ما .. الشخص ده بيبقي “متحول” وده كله بيسمى بالطفرة!

لو لاحظت كل الإنجازات في كل مجالات الحياة ( العلم والنقل والاتصالات والفنون والتقنيات والسياسة .. إلخ ) هتلاقي كل ده حصل بسبب طفرات حصلت للحياة الإنسانية وكل الطفرات دي كانت نتيجة للفكر.

في مؤتمرنا القادم هنسلط الضوء علي الطفرة النوعية في الفكر التي هتخلينا ناخد خطوات في الإنتقال من الطرق التقليدية للفكر إلي الفكر المبني علي أسس علمية.

هدفنا خلق طفرة ينتج عنها إنسان متعدد المهارات وقادر على التعلم الدائم، وده هيتطلب سرعة التكيف والتأقلم مع كل التغييرات اللي بتأثر بشكل ملموس على النظم الاجتماعية والثقافية، وطرق العيش، وعادات الاستهلاك، ومعنى العمل ومكانته.

كل ده هيتم عشان إحنا عندنا أهم مقومات النجاح للدخول في مجتمع المعرفة، وهو العنصر البشري المتعلم واللي عنده القدرة للتطور والتحول.

أخيراً ، الطفرة ممكن تكون بإختراع أو حتي تغيير في النظرة إلي أمر معين .. وإن كانت في الأحياء الطفرات بتبقي في Gene يؤدي لتغيير في خصائص أحد الأعضاء .. فإحنا في TEDxKafrElsheikh طفرتنا هتبقي في الـ Gene بتاع تفكيرك ..

جاهز للتحول ؟؟ تابعنا

سجل الآن لتحصل على فرصة لحضور المؤتمر القادم

أستمارة حضور مؤتمر Mutation

Leave a Reply

Your email address will not be published. Required fields are marked *